Expéditions d'un testament de Pierre de Labadie de 1639 et d'un contrat d'engagement d'une parcelle de 1642 (entre Marguerite de Crutchette, Arnaud Duclerq, Jean Castaignet et François Hiriarton)

[Il s'agit d'une copie partielle du testament]

Saichent tous que ce Jourdhuy dixneufiesme du Mois de Janvier Mil six Cens trente Neufz apres midy En la Maison Noble de garon bayliage de labourt pardt Moy Notaire royal soubzsigne Et tesmoings bas nommés a Esté En sa personne Noble pierre de labadie Escuyer sr dudt Lieu Et de garat hant en la parroisse de guissen Lequel estant a pnt Malade dans la pnte Maison Neaulmoings En ses bon sens Memoire et Entendemt Considerant quil ny a rien au Monde de plus certain que la Mort Ny plus Incertain que Leure dIcelle pour quil Ne soit trouvé ab Instant a fait son testament Non enpatifz de sa derniere vollonté En la forme Et Maniere que sensuit, premieremt a recomandé son ame a dieu Le perre tout puissant pere filz et st Esprit les supplliant par le Merite de la Mort et passion de Nostre seigneur Jesus christ luy plaise pardonner ses pechés Et Lors que son bon plaisir sera separer son ame davecq Le Corps recepvoir Ladte ame En son royaume de parradis En Compaignie des ames bien heureuses supliant La bien heureuse tousiours vierge Marie saintz et saintes de paradis prier Et Interceder pour Luy a ce que par Leurs Merittes Et faveurs il obtient remision Et Missericorde de ses pechés Et a la fin de ses Jours La gloire de paradis veult et ordonne que Ladte separaon advenant son Corps soit Inhumé Et Ensepvely dans Leglise st Jean baptiste dudt guissen Lieu ou ses predesseurs Lont esté Et dans Icelle Eglise ses honneur et devoirs Luy soient faitz a despans de ses biens selon que sa quallité Le requiert a la Discretion de Damoiselle Margueritte de Crutchette son Espouse, Lesse et Legue Ledt testateur aux pauvres de Ladte parroisse Et plus necessiteus Dicelle La somme de trente Livres quil veult soient baillés par sadte femme et son heritier bas nommés un an apres son decés Et distribués a la discretcion du Curé Et fabriqueurs de Ladte parroisse Item dit Ledt testateur quil veult soit dit Et Cellebré En Ladte Eglise St Jean baptiste dudt guissen deux offices Et aniversaires annuellement Et a Jamais Ez Jours de Lassomption Et Conseption Notre Dame pour fe prier dieu pour les ames de deffuntz Jean de Labadie Escuyer Et Damoiselle gracy de la salle ses perre et merre que pour La sienne Et pour Cest effaict Lesse et Legue La somme de Cent Escus faisant trois Cens Livres tz En est sur quatre Journées de prairie a prendre Icelles dans la piece appellée estegrand veult entand que le revenu de Ladte terre soit tousiours Employé pour fe dire et cellebrer Lesdites aversaires Et distribué a la discretion dudt sr Curé Et fabriqueurs Et sy cas et que sont heritier rachapter Lesdtes quatre Journées de terre veult et Entendend que Largent de tel rachapt soit mis et Employé En bien fondz ou a Interest En main solvable pour la cellebraon desdtz anniversaires exra a fait son heritier universel En tous et chascuns ses biens meubles et imeubles En quoy que Le tout puisse Consister Ledt Martin de Labadie son filz aisné a la Chargé daccomplir Le Contenu au pnt testemt Et de paier tous et Chascuns ses debtes soy reservant sa vie durant Le gouvernement Et administraon dIceulx Et apres son deses veult aussy que Ladte Damoiselle de crutchette sa femme soit Dame et administratesse de Leurs Enfans Et biens sa vie durant et viduitté gardant sans quelle soit tenu den rendre Compte a personne pour quelque cause Et pretexte que ce soit, a fait ses Exempteres et testamentaires tristand de Lure Escuyer Et Ledt sr de lisseratze ses oncle et beau frere Illecq pns ausquelz il prie d'en prendre La Charge Et de fe ramener a Execuon Le pnt testament selon sa forme Et thenur a Cassé et anullé tous autres testamens et Codicilles quil pouvroit avoir fait avant Ces pns veult que le pnt soit son dernier et sil ne peult valloir pour testamt quil vaille pour Codicille et donnaon faite a Cause de mort ou autremt En la melheure forme et Maniere que faire peult Et doit ayant requis a Moy dit Notaire le retenir que luy ay octroyé Es pnes de Me Jean de crutchette pbre et vicaire En la pnte parroisse de garrou Sieur guilhaume de Nau Escuyer sr dudt garrou Ledt sr de lure Laurans de garrou sr de chatanerée Miguel de Laco Me chirurgien Et saubat de labayre hans audt garrou Cambou guissen et Saint Jean de peduport tesmoings a ce appellées et signés a Loriginal avecq Ledt sr testateur Et Moy casenave note

Le quatorziesme Jour du mois de Juin mil six Cens quarente deux avant midy En la parroisse de guissen Et maison noble de labadie pardt moy notaire royal soubz signé et tesmoings bas nommés a esté En sa personne Damoiselle Marguerite de Crutchette vefve de feu noble pierre de Labadie Escuyer sr dudt Lieu Et de garat Et administraresse de Leurs Enfans Et biens hante audt guissen Laquelle de sa franche Et agreable vollonté sest Desnié et departy Comme par ces pns se desmet et Despart en faveur de Me arnault duclerq pbre et curé dudt guissen Jean de Castaignet Et francois de hiriarton fabriqueurs de Leglize parroelle dudt guissen Ledt sr Curé pnt Et acceptant pour les tout scavoir est de quatres Journées de terre Et praire scitués audt guissen Lieu appellé estegrand, sur Lesquelles Ledt feu sr de labadie a Laisse Et Legué trois Cens Livres pour la fondaon de deux abitz et aniverssaires Dans Ladte Eglise faisant son testamt de dire vollonté datte du dixneufiesme Janvier mil six Cens trente neufz retenu par moy dt Notaire que Confronte Ladte terre des voultz et Coustés a terre de ladte maison de labadie a pnt tenue En Engaigement par departienent a la charge que Lesdtz Curé et fabriqueurs Et Ceux qui seront apres eux seront tenus Comme Ledt sr Curé a promis de faire dire Et Celebrer Lesdtz abitz annuellemt en telz Jours quilz ont accoustumé de les faire dire et Cellebrer Et sy Cas est que Ladte terre soit racheptée de mestre et Collocquer La somme En bien fondz pour que Lesdtz obiectz souené ditz et cellebrer a Jamais Confrontant a Jamais a la volonté dudt feu Et Moiennant Ce Ladte Damoiselle Consent quilz retireront Les fruitz de ladte terre promettant Les tenir bonne ceste discuon Et les faire Jouir de ladte terre Envers Et Contre tous a payne de tous despens et Interetz soubz obligaon de ses biens rentes et revenus quelle a soubzmis a toutes rigeurs de Justice a qui La Cognoissance En appdra a rennoncé a toutes rennonciaons Exeptions Et Moiens a Ce dessus preiudiciables et ainsy lont promis Et Juré tenir Es pnces de Jean dupin Me chirurgien Et Jean de Crutchette Laboureur hant audt guissen tesmoings a Ce appellés Ledt sr Curé Et Damoiselle Ensemble Ledt dupuy signés a la Cedde Et non Ledt de Crutchette pour ne scavoir de ce fe sommés par Moy ainsy signé de cassenave Notaire royal

Extraict vidime Et Collaonée a Esté la pnte Coppie sur autre coppie tiré de son original par nous notaires royaulz de la ville Et Citte de bayonne soubzné sans y avoir rien adiousté ny diminue Ce Requerant Noble bertrand de labadie Escuyer au pouvoir duquel le tout a demuré a bayonne Le Cinquiesme Jour du Mois de Juin Mil six Cens soixante quatre



19e janvier 1639 casenave note
Testament de feu noble pierre de labadie par lequel Il laisse 300 lt pour fonder 2 aniversaires

14e juin 1642 casenave note
acte ensuitte passé par la demlle sa vefve avec les curé & les fabriqueurs portant engagement de 4 journées terre a esté grand por lesdt 300 lt