Quittance de dot (entre Jean Lafitte et Jean de Lafargue)

Sachent toutz presants et advenir que me Jean de Lafitte marchant de pau de son Bon Gré Et franche Et agreable volonté a Recogneu Et comfessé avoir prins Et Receu de noble Jean de Lafargue abbé de cassaver presant Et Estipulant La somme de quattre mille cincq centz livres tournoises pour Raison de La Legitime constituee par Ledit sieur de Lafargue a Damoyselle anne de Lafargue sa fille et femme dudit de Lafitte par leur contract de mariage du sixiesme aprilh gbic quarante neuf Receu par me Jean Danty nore de sallies, sçavoir Le jour des nopces quy Estoit le vingt uniesme Juin gbic quarante neuf La somme de Trois mille franx Bordalois ainsy qu'a appareu par quitance dudit de Lafitte dudit Jour quy luy á esté Rendue par ledit sieur de Lafargue [manque] restant de Laditte somme quy Est Trois mille franx Ledit sr de Lafitte La Receue ainsy quil á comfessé Et accordé Et ce En Especes de Bon poids cours Et mise dont Il se Tient pour Bien comptant Et satisfait, comme aussy Le mesme sieur de Lafitte Recognoist Et comfesse avoir prins Et Receu dudit sieur de Lafargue La somme De cinq centz Livres tournoises pour la valeur des meubles quy avoint esté promis par Ledit sieur de Lafargue a Laditte damoyselle anne sa fille Et femme dudit de Lafitte Et ce En Bonnes Especes dont Il se Tient pour Bien comptant Et satifais, Et finallement Ledit sieur de Lafitte a Declaré Estre satisfait des habitz quy avoint esté promis a saditte femme par Ledit contract de mariage de Touttes Lesquelles choses promises Et constituees Ledit sieur de Lafitte a acquitté Et acquitte Ledit sieur de Lafargue prometant que petition ny demande né luy En sera faicte aucontraire En cas que Ledit mariage desadviene par Le Desses de Laditte Damoyselle anne sa femme ou dudit dé Lafitte sans Enfantz Il promet de Rendre Et Restituer audit sieur de Lafargue son Beaupere ses hoirs Et successeurs Laditte somme de six mille franx Bordalois Dune part Lesdittes cincq centz Livres dautre Et cé an & jour appres tel desses suivant Le for Et coustume du presant pays soubz obligaon de Tous Et chascuns ses Biens Et causes presantz Et futeurs quil a soubsmis a la Rigur de Justice Et a Renoncé a Lexception de non nombree pecune Et a touttes autres Renontiations a cé Besoin Et necessaires ainsy La promis Et Juré au Dieu vivant faict a pau Le tredzie. septembre gbic cinquante un presantz Et Tesmoins pierre de Lanabere de Bergouey mathieu de capdeville de sallies havitantz a pau & moy Jean de ferran nore pcq a lad. ville qui loriginal ay receu Et signe avec led. de la fite & Tesmoins susd. Et ay fait grossoger Iceluy pour part dud. sr de Lafargue Et signé



Tornadot de Noble Jean de lafargue sr de cassavé
octroyé par
Me Jean de la fite marchand de Pau