Reconnaissance de fiefs (entre François Salenabe et Vincent Castel)

Saichent tous presans & advenir que aujourdhuy Tredziesme du mois de decembre mil six Cens Cinquante six en La ville de Sorde et maison abbatialle pardevant moy nore royal aux lannes soubz signé presans Les tesmoingz baz nommés a esté en sa personne francois de salenabe dict pertout Laboureur habitant dudict Sorde Lequel a recogneu & Confessé tenir a fiefs de Messire vincent Castel Coner du roy en ses Conseilz son aumonier ordinaire Proto, nore du st siege appostolique & seigneur abbé & baron de sorde a Ce presant sçavoir est La maison appelléé de pertout sçize en La presant jurisdiction et faux bourg de maubourguet et qui a esté nouvellement bastie avec Le jardrin quest au dernier dicelle que Confronte Le tout du Levant à La maison de lixau Chemin de servitude Entredeux vers nort a La rue publicque vers mér a La maison et place appelléé de gourrette et vers montaigne ausde plasses Du hirot, pour Laquelle maison et jardrin payera dicy en avant trois solz une poulle Plus Luy appartient ung journau Et demy de terre en Lade jurisdiction riviere de misson Lieu appellé aux Codesclaus que Confronte vers soleil Levant a terre dudict salenave vers nort a terre de Cauna vers mér avec de Lamouroux Et de Montaigne a terre de taxoires Pour Laquelle est tenu payér six baquettes Plus possede dans La mesme riviere de misson une journade & demye de terre Joignant Celle Cy dessus que Confronte vers soleil Levant a terre de lixau vers nort a terre dudict salenave vers mér a terre de Lamouroux Et vers montaigne a terre de taxoires pour Laquelle est tenu payér six deniers deux baquettes revenant Le susdit fiefs a quatre solz une poulle que Ledict Salenave sera tenu payér anuellement audict seigneur abbé porté Et rendeu en sa maison abbatialle a chascun jour Et feste de noel a peyne de tous depans Domaiges & Interestz Et autres droictz et debvoirs seigneuriaus mesmes sera tenu dexportér Et reconnoistre a chaque muance de seigneur, Soubz Lobligation Et hipotecque de tous Et chascuns ses biens presans Et advenir quil a soubzmis a toutes rigueurs de justice, Et ainsy La promis et juré faict ez presances de Maistre Gratian Casteulane praticien et jean de laborde habitans de sorde soubzsignés a La Cedde avec Ledict seigneur abbé Ce que n'a faict ledict Salenave pour ne sçavoir de Ce requis par Moy

Morel nore royal

[] de monsieur Castel pour Salenave

13. xbre 1756
Contraq de la méson de perta a maubourguet de sorde a partenant a ma seur veuve lespio

pertout